Cael y gefnogaeth iawn i chi
Efallai mai man cychwyn da i chi nawr yw treulio amser yn nodi’r cymorth sydd ei angen arnoch i gefnogi’ch iechyd meddwl a lles ar yr adeg hon.
Mae’r dudalen hon yn eich cyfeirio at ystod o opsiynau cymorth a chefnogaeth. Mae hefyd yn ddefnyddiol edrych ar ba gymorth ychwanegol a gynigir yn eich ardal leol oherwydd fe allai fod gwasanaethau cymorth sy’n canolbwyntio ar drawma ar gael mewn rhai ardaloedd.
Gwasanaethau cymorth a chefnogaeth ar gyfer bwyta emosiynol neu orfwyta mewn pyliau
Os ydych wedi datblygu patrymau bwyta emosiynol neu orfwyta mewn pyliau, fel ffordd o gysuro’ch hun, efallai fod hyn yn eich atal rhag gwneud newidiadau rheoli pwysau iach ac effeithiol.
Bydd cael cymorth a chefnogaeth i oresgyn hyn yn eich helpu i ddysgu strategaethau ymdopi, a allai fod yn flaenoriaeth ar hyn o bryd.
BEAT
- Cael cymorth i fy hun
- Llinellau cymorth ffôn Cymru 0808 801 0433 (Mae llinellau cymorth BEAT ar agor 365 diwrnod y flwyddyn 9am – canol nos yn ystod yr wythnos, a 4pm–canol nos ar benwythnosau a gwyliau banc).
- Sgwrsio ar-lein BEAT
- Cymorth e-bost BEAT i Gymru: Waleshelp@beateatingdisorders.org.uk
Meddyg Teulu - Gallwch ffonio neu weld eich meddyg teulu lleol a fydd yn trafod pa gymorth a chefnogaeth sydd eu hangen arnoch a’ch cyfeirio fel y bo’n briodol.
Gwasanaethau cymorth a chefnogaeth ar gyfer alcohol a/neu gyffuriau
Gall dulliau eraill o hunan-gysuro gynnwys defnyddio alcohol neu gyffuriau a allai fod yn atal colli pwysau’n iach. Gall cael cymorth a chefnogaeth i oresgyn yr ymddygiad hwn eich helpu i nodi a dysgu strategaethau ymdopi, a allai fod yn flaenoriaeth i chi.
Llinell gymorth cyffuriau ac alcohol
Ffoniwch 0808 808 2234 neu anfonwch neges destun i DAN ar 81066, mae Dan ar agor 24 awr y dydd, 7 diwrnod yr wythnos.
Drinkline – llinell gymorth gyfrinachol am ddim i bobl sy’n pryderu ynglŷn ag yfed, ar eu rhan eu hunain neu rywun arall. Ffoniwch 0300 123 1110 (yn ystod yr wythnos 9am–8pm, penwythnosau 11am–4pm).
Alcoholics Anonymous – Mae’r llinell ar agor 24/7 ar 0800 9177 650. Os byddai’n well gennych, gallwch anfon e-bost atyn nhw i: help@aamail.org neu gael sgwrs fyw drwy eu gwefan.
Alcohol Change – Cael cymorth nawr
Meddyg Teulu - Mae’ch meddyg teulu yn aml yn fan cychwyn da ar gyfer problemau alcohol / cyffuriau. Bydd yn gallu darparu cyngor cyfrinachol a’ch cyfeirio at gymorth ychwanegol.
Ydych chi’n cael anawsterau iechyd meddwl parhaus oherwydd trawma?
Os yw trawma yn atal eich gallu i weithredu, ac rydych yn teimlo’i fod yn eich rhwystro rhag ymgysylltu â chymorth rheoli pwysau’n iach, efallai mai’ch cam nesaf yw nodi’r cymorth a’r gefnogaeth sy’n gweithio i chi.
Adnoddau hunangymorth a gwasanaethau GIG:
Cwnsela ar gyfer profedigaeth - Os ydych wedi dioddef trawma a/neu yn dioddef trawma oherwydd marwolaeth sydyn, gall cwnsela ar gyfer profedigaeth helpu.
CRUSE - Gallwch eu ffonio am ddim ar0808 808 1677 (Sylwer: nid yw hon yn llinell 24 awr).
Llinell gymorth MIND - Os oes angen gwybodaeth nad yw’n frys am gymorth a gwasanaethau iechyd meddwl a allai fod ar gael i chi: Ffoniwch 0300 123 3393 neu anfonwch E-bost i info@mind.org.uk. Mae rhagor o wybodaeth ar dudalen llinellau cymorth MIND a gallwch ddod o hyd i’ch canolfan leol a allai gynnig gwasanaeth cwnsela a chefnogaeth am ddim.
Gwasanaethau Iechyd Meddwl Lleol -Cysylltwch â’ch meddyg teulu a all eich cyfeirio at gymorth a chefnogaeth.
Tîm Iechyd Meddwl Cymunedol - Os ydych wedi cael cefnogaeth gan eich tîm lleol o'r blaen, efallai cewch eich cynghori i gysylltu â nhw yn uniongyrchol os oes angen cymorth arnoch. Gallwch hefyd siarad â’ch meddyg teulu os yw’ch iechyd meddwl wedi gwaethygu, a bydd yn eich atgyfeirio fel y bo’n briodol.
Gwasanaethau Therapïau Seicolegol Lleol - Mae angen i feddyg teulu eich atgyfeirio at y gwasanaeth hwn, felly cysylltwch â’ch meddyg teulu yn gyntaf.
Parhau â'ch siwrnai
Ewch i'r dudalen nesaf sef Deall pwysau i barhau â'ch siwrnai.
