Lluniwch eich dyfodol iach gyda Pwysau Iach Byw’n Iach.

Dim ond 5 munud fydd yn ei gymryd i gwblhau ein hasesiad iechyd cyflym a hawdd!

Byddwn yn gofyn rhai cwestiynau byr i chi am eich pwysau presennol a’ch profiad blaenorol o reoli eich pwysau i’ch helpu i ddod o hyd i’r cyngor gorau i weddu i’ch anghenion. Ni chaiff yr wybodaeth rydych chi’n ei rhannu gyda ni ei storio na’i chadw yn unman ac mae’n gwbl ddienw. 

Mae Pwysau Iach Byw’n Iach am ddim ac yn cynnig cymorth hunan-gyfeiriedig gyda chyngor wedi’i deilwra, sy’n rhoi’r cyfle gorau posibl i chi lwyddo. Rydym yn cynnig canllawiau’r GIG sydd wedi’u hategu gan dystiolaeth sy’n canolbwyntio ar awgrymiadau ymarferol a chyraeddadwy sy’n eich helpu i wneud newidiadau bach a phwysig i’ch bywyd bob dydd. Mae ein dull wedi’i gynllunio ar gyfer llwyddiant hirdymor, nid atebion cyflym na chanlyniadau tymor byr. Mae hyn yn eich helpu i gyflawni a chynnal pwysau iach mewn ffordd sy’n teimlo’n realistig i chi. 

Ar ôl i chi gwblhau ein hasesiad iechyd a dewis siwrnai sydd wedi’i theilwra i’ch anghenion, byddwch yn cael mynediad at gyngor arbenigol gan y GIG ac amrywiaeth o adnoddau ymarferol sydd wedi’u cynllunio i’ch cefnogi i gyflawni a chynnal pwysau iachach.