Dychwelyd i'ch siwrnai

Siwrnai Un

Mae bwyd a diod yn rhan bwysig o’ch bywyd, yn enwedig eich bywyd cymdeithasol. Bydd amser gyda ffrindiau a theulu fel arfer yn cynnwys bwyd a diod. Mae mwynhau bwyd yn bwysig i chi. Efallai eich bod chi a’ch teulu wedi mynd i arfer o fwyta dognau mwy, mwy nag sydd ei angen yn aml, gan arwain at fagu pwysau. Fel plentyn roedd disgwyl i chi fwyta popeth ar eich plât a byddech yn cael eich canmol am wneud hynny.

Siwrnai Dau

Mae bwyd a diod yn gysylltiedig â sut rydych chi’n teimlo. Rydych chi’n defnyddio bwyd a diod i godi’ch ysbryd neu lenwi bwlch pan fyddwch chi wedi diflasu neu dan straen neu i godi’ch hwyliau. Efallai fod gennych wendid am fathau penodol o fwydydd cysur neu fyrbrydau yr ydych yn troi atyn nhw, er eich bod yn gwybod nad nhw yw’r dewis iach.

Siwrnai Tri

Efallai eich bod wedi cael profiadau anodd neu sy’n peri straen, yn enwedig yn ystod plentyndod ond ar adegau eraill yn eich bywyd hefyd.

Mae hyn wedi cael effaith barhaus arnoch chi ac mae bwyta yn un o’r ffyrdd rydych chi wedi ymdopi. Fel pobl eraill sydd wedi cael profiadau tebyg, efallai eich bod wedi cael problemau gyda’ch pwysau am y rhan fwyaf o’ch bywyd, efallai’n colli pwysau ac yna’n ail-fagu cryn dipyn o bwysau.

Y math o brofiadau sy’n peri straen a allai gael yr effaith hon yw trais neu gam-drin gartref, tor teulu neu brofedigaeth neu rhiant â phroblemau iechyd meddwl, cyffuriau neu alcohol.

Siwrnai Pedwar

Mae eich bywyd wedi newid dros y blynyddoedd diwethaf ac mae hyn wedi arwain at fagu pwysau. Efallai mai dechrau teulu yw hyn, newid perthynas, neu newid eich trefniadau gweithio. Mae hyn wedi golygu nad ydych mor actif ag oeddech chi ar un adeg ac efallai fod eich arferion bwyta wedi newid hefyd i gyd-fynd â’ch ffordd o fyw bresennol.

Cynnal Pwysau

Mae cynnal pwysau yn ymwneud â chadw'ch pwysau'n sefydlog, sy'n golygu peidio â cholli, ennill neu adennill pwysau. Efallai y byddwch chi'n sylwi bod eich pwysau'n amrywio'n naturiol bob dydd ac efallai y bydd adegau pan fydd eich pwysau'n codi neu'n gostwng. Os ydych chi o fewn ystod pwysau iach, mae cynnal pwysau yn ymwneud â dod o hyd i gydbwysedd sy'n eich helpu i aros o fewn yr ystod honno.